Тэмдэглэлийн дэвтрээ эргүүлж байгаад 2005 онд бичсэн ийм шүлгээ оллоо.
           Ер нь дандаа жаахан гутранги юм бичдэг байсан юм шиг байнаа....
Хайр чи надаар даажигнан инээв үү?

Хахир хоолойгоо гяхруулан мишээв үү?

Дурлал чи надад нулимс бэлэглэв үү?

Дутуу жаргал амсуулчихаад буцав уу?

            Охин нь зүгээрээ, уйлах цаг байх

            Оддын доор зовлондоо ч дасчихаж

            Би алзахгүй ээ, мэгших өдөр байх

            Буруутанг хайн шаналдаг үе ч өнгөрчихөж

Гэхдээ би гомдож явдаг юм чамд

Гэрэлт орчлон надад харанхуй байдагт

Гэнэн сэтгэлд минь толбо тусаасанд

Гэмгүй явахад минь хэрсүү суулгасанд чинь ч...

            Зүрхэнд минь туссан толбо балрахгүй ч

            Зүгээр л чамаас гуйя, хэнийг ч бүү зовоо

            Сэтгэлд минь мэгшсэн нулимс татрахгүй ч

            Хэзээ ч хэнийг ч над шиг битгий болго, сөгдчихье!!

                                             Сараана 2005.02.27