Заримдаа надад энд биш огт өөр газар огт өөр амьдралаар амьдарч байгаа юм шиг санагддаг. Зүгээр л мөрөөдлийн ертөнцөд... Хэдийгээр бие минь энд байж, аливаа хууль дүрэмд захирагдаж амьдардаг ч бодол сэтгэлдээ бид юуг ч бүтээж, хийж болдог хорвоо шүү дээ. Мөрөөдөхөд мөнгө төлөхгүй гэдэг дээ.

Өөрөө би хүний орчлонд амьдарч
Өдөр хоногийг цагийн аясаар элээж
Бусдын магтаал, хүндлэл хоёрын төлөө хичээж
Буцааж болохгүй амьдралын дунд эргэлдэнэ
          Зүрх сэтгэл минь мөрөөдлийн хотод амьдарч
          Зүйргүй хөх тэнгэрийн хаяаагаар дүүлж
          Бодол, хүсэл хоёртоо хөтлөгдөн хөвөрч
          Буцаж энэ биедээ оролгүй зугтан тэнүүчлэнэ
Энэ бие минь энд надтай хамт байхад
Энэ сэтгэл минь тэнд чамтай хамт байсаар..
Сэтгэлээ дагаад явж чадахгүй болохоор надад
Сонголт алга, хоёр амьдралаар амьдрахаас өөр.....